राजेश शाक्य

वि.सं. २०२४ असार ८ गते काठमाडौं महानगरपालिका वडा नं. १९ स्थित चस्वाँद्व, मरुहिति टोलमा राजेश शाक्यको जन्म भएको थियो। पिता धर्मरत्न शाक्य र आमा धर्मदेवी शाक्यको माहिला छोराको रुपमा उहाँको जन्म भएको थियो।

पब्लिक युथ क्याम्पसबाट व्यवस्थापन विषयमा स्नातक गर्नुभएका शाक्यले जापानी भाषामा पनि स्नातक गर्नुभएको छ। विद्यार्थीकालदेखि राजनीतिमा सक्रिय शाक्यले राजनीति जनताको सेवा गर्ने माध्यम मात्रै हो भन्ने मान्यता राख्नुहुन्छ।

समाजसेवामा मात्रै होइन उहाँ नेपाल भाषा र हाम्रो संस्कृति संरक्षण तथा अन्य सामाजिक सेवाको क्षेत्रमा पनि क्रियाशील व्यक्तित्व हुनुहुन्छ। आगामी २०८२ साल फागुन २१ गते हुने प्रतिनिधि सभा सदस्यको निर्वाचनमा नेकपा एमालेका तर्फबाट काठमाडौं निर्वाचन क्षेत्र नं. ८ को उम्मेदवार बन्नुभएको छ।

सानैदेखि मिलनसार, फरासिलो र सहयोगी भावनाका राजेश शाक्यको राजनीतिक यात्रा वि.सं. २०३६ सालको विद्यार्थी आन्दोलनबाट प्रभावित भई नेपाल विद्यार्थी संघबाट सुरु भएको थियो । क्याम्पसमा अध्ययनकै क्रममा २०४१ सालमा नेविसंघमा आबद्ध भई पञ्चायत विरोधी आन्दोलनमा सक्रिय हुनु भएको थियो ।

उहाँले वि.सं. २०४२ सालको सत्याग्रहमा सक्रियतापूर्वक भाग लिनुभएको थियो । त्यस्तै वि.सं. २०४३ सालको पञ्चायती व्यवस्थाबाट गरेको स्थानीय निर्वाचनमा जनपक्षीय उम्मेदवारलाई विजय गराउन स्थानीय चुनाव प्रचार प्रसार समितिको संयोजक भई कार्य गर्नु भएको थियो । वि.सं. २०४६ सालको जनआन्दोलनमा पनि उहाँले सक्रियतापूर्वक भाग लिनु भई वि.सं. २०४८ सालको आम निर्वाचनमा नेपाली कांग्रेसको विजयको लागि लाग्नु भयो । तर कांग्रेसभित्रको कलहले तत्कालीन नेपाली कांग्रेसका सभापति कृष्णप्रसाद भट्टराईलाई महामन्त्री गिरिजाप्रसाद कोइरालाको गुटबाट अन्तर्घात गरी हराउने सम्मको कार्य भएपछि दिक्क भई उहाँले सो पार्टी परित्याग गर्नुभयो ।

त्यस समय झण्डै दुई वर्षसम्म स्वतन्त्र बस्नु भएका शाक्यले नेपाल भाषाका कवि दुर्गालाल श्रेष्ठ, डा. महेशमान श्रेष्ठ तथा पवित्र बज्राचार्यहरुको सम्पर्कमा आउनुभयो । साथै उहाँहरुको सल्लाह मुताबिक जनतामाझ भिजेको पार्टी नेकपा (एमाले) संगको सामीप्यता बढाउनु भयो । जननेता मदन भण्डारीबाट पाँचौं महाधिवेशनमा प्रस्तुत जवज अर्थात् जनताको बहुदलीय जनवादबाट आकर्षित भई उहाँले नेकपा एमालेमा सक्रियता देखाउनु भयो । युवा जोश, जाँगर, जुझारुपन, निडरपनाका साथै सबैसित मिल्नसक्ने बानीका कारण नेकपा एमालेमा प्रवेश गरेको तीन वर्ष पछि उहाँले संगठित सदस्यता प्राप्त गर्नुभयो ।

जनप्रतिनिधिको हैसियतमा उहाँले १९ वडामा पानी, ढल, सडक इत्यादि विकासनिर्माणका काममा जनतालाई साथ दिनु भयो । साथै न्यायनि्रुपणमा आफ्नो उत्कृष्ट छाप छोड्न सफल हुनु भयो ।

जनप्रतिनिधिको हैसियतमा उहाँले १९ वडामा पानी, ढल, सडक इत्यादि विकासनिर्माणका काममा जनतालाई साथ दिनु भयो । साथै न्यायनि्रुपणमा आफ्नो उत्कृष्ट छाप छोड्न सफल हुनु भयो ।

राजनीतिक पदाधिकार र उपलब्धिहरू:

• वि.सं. २०५४ साल: प्रजातान्त्रिक युवा संघ का.म.पा. १९ वडाको अध्यक्ष
• वि.सं. २०५५ साल: पार्टी कमिटीको अध्यक्ष
• वि.सं. २०५६ साल: इलाका कमिटीको सदस्य
• वि.सं. २०५८ साल: इलाका कमिटीको उपसचिव
• वि.सं. २०६२ साल: इलाका कमिटीको सचिव
• वि.सं. २०६२/६३: दोस्रो जनआन्दोलनमा काठमाडौंको बसन्तपुर, मरुहिति, इन्द्रचोक, असन, भोंछे, भिमसेनस्थान तथा भित्री वस्तीमा आन्दोलनको वातावरण तयार गर्न विशेष भूमिका निर्वाह
• वि.सं. २०६५ साल: पार्टीको क्षेत्रीय कमिटीको सचिव
• वि.सं. २०६७ साल: पार्टीको जिल्ला कमिटी सदस्यमा निर्वाचित
• वि.सं. २०६८ सालदेखि: क्षेत्रीय कमिटीको अध्यक्षको रुपमा नेतृत्वदायी भूमिका निभाउँदै राजनीतिक, वैचारिक, सामाजिक परिपक्वता विकास
• वि.सं. २०७४ साल: पहिलो प्रदेश सभा निर्वाचनमा काठमाडौं क्षेत्र नं. ८ (१) बाट ने.क.पा. एमालेको तर्फबाट उम्मेदवार भई तत्कालिन प्रदेश नं. ३ र हालको बागमती प्रदेश सभा सदस्यको रुपमा निर्वाचित

प्रदेश सभा सदस्यको हैसियतमा: बागमती प्रदेश सभा सदस्यको हैसियतमा स्थानिय जनताहरुको सेवा र सुविधाका लागि उल्लेखनीय कार्यहरु गर्नु भएको छ।

राजेश शाक्यले राजनीति बाहेक सामाजिक क्षेत्रमा पनि अलग सक्रिय भूमिका निर्वाह गर्नुभएको छ । उहाँ विभिन्न क्लव, संस्था, खल: वा समूहहरुमा पनि आबद्ध हुनु हुन्छ । शाक्य वि.सं. २०५१ सालमा नेवा: गुथिको केन्द्रीय कोषाध्यक्ष तथा वि.सं. २०५४ सालमा चस्वाँद्व युवा क्लवको सचिव हुनुभयो । यहि समयमा उहाँले सरकारी कामकाजमा नेपालभाषाको प्रयोग गर्ने बारे भएको आन्दोलनमा सक्रियतापूर्वक भाग लिनुभयो ।

त्यस्तै वि.सं. २०७० सालमा लाखे आजु जिर्णोद्वार कमिटीको अध्यक्ष भई कार्य गर्नुभयो । उहाँको सक्रियतामा चिकंमुगलस्थित मजिपात लाखेको देवघर (द्यो:छें) तोकिएको समयसीमाभन्दा अगाडि पुन: निर्माण गर्न सफलता प्राप्त गर्नुभयो ।

वि.सं. २०६१ सालमा ताहाचल डोलमार्ग उपभोक्ता समितिको सचिव, वि.सं. २०५३ सालमा महाबौद्ध जिर्णोद्वार कमिटीको सहसचिवका साथै गुणकामदेवको समयमा निर्मित भिमसेनस्थान टोलमा बनाएको सुन्धारा मर्मतसम्भार समितिको संयोजक तथा नेवा: ग्वाहलि पुचको अध्यक्ष भई कार्य गर्नु भयो ।

उहाँ ताहाचल डोलमार्ग उपभोक्ता समितिको सचिव हुँदा टोलको सडक, ढलका समस्या समाधानका साथै टोलमा सफासुग्घर राख्न विशेष पहल गर्नुभयो । युवा पुस्ता अगाडी नआएसम्म देश विकास हुँदैन भन्ने मान्यताका बिच उहाँले ताहाचलमा डोल मार्गको युवा नेतृत्व विकासमा विशेष पहल गर्नु भएको छ । यसको निमित्त युवाहरुबीच उद्घोषण तालिम जस्ता कार्यक्रम पनि अगाडि ल्याउनुभयो ।

महिला दिदीबहिनीहरु पनि घरको चौघेरा नाघी अगाडि बढ्नु पर्छ । केहि न केहि काम गरी आफ्नो अस्तित्व स्थापित गर्नु पर्छ भन्ने उहाँको मान्यता भएकोले महिलाका लागि सीपमूलक तालिम जस्ता कार्यक्रम गर्न पनि विशेष भूमिका खेल्नु भयो । त्यस्तै युवापुस्ताहरुले समाजमा आफ्नो पहिचान कसरी बनाउने भन्ने सवालमा उहाँले युवा केन्द्रित कार्यक्रमहरु ल्याउनु भएको थियो ।

उहाँ महाबौद्ध विहार जिर्णोद्वार समितिको सहसचिव हुँदा महाबौद्ध परिसर भित्रको ऐतिहासिक बुद्ध मन्दिरको जिर्णोद्वार गर्न विशेष पहल गर्नु भएको थियो ।

यस प्रकार समाजका सबै समुदाय माझ लोकप्रिय नेता शाक्यले गरेको कामको मूल्याकनकै आधारमा यसपटक पनि आगामी २०८२ साल फागुन २१ गते हुने प्रतिनिधि सभा सदस्यको निर्वाचनमा ने.क.पा. एमालेले उहाँलाई काठमाडौं क्षेत्र नम्बर ८ बाट उम्मेदवार बनाईएको छ । स्पष्टवक्ता, युवा, निडर, मेहनती तथा जनताको सेवामा जस्तोसुकै परिस्थितिमा पनि उपस्थित हुन तत्पर व्यक्ति राजेश शाक्यलाई प्रदेश सभा सदस्यको उम्मेदवारको रुपमा उभ्याएको छ । तसर्थ, सबैले सूर्य चिन्हमा छाप राखी श्री राजेश शाक्यलाई प्रतिनिधि सभा सदस्यमा विजयी गराउनु हुन सम्पूर्ण आमा बुबा, दाजुभाइ दिदीबहिनीहरुमा हार्दिक अनुरोध गर्न चाहन्छौं ।

राजेश शाक्यबाट २०७४ सालको प्रदेश सभाको निर्वाचनका दौरान महाभूकम्पबाट क्षतिग्रस्त धार्मिक, सांस्कृतिक, पुरातात्विक सम्पदाको पुन: निर्माणका साथै जनताको सेवा सुविधाका निमित्त विभिन्न प्रतिबद्धता व्यक्त गर्नु भएको थियो। सो अनुसार विश्व सम्पदाभित्र यत्रतत्र क्षतिग्रस्त भइरहेका विभिन्न मठमन्दिर पुन: निर्माण तथा मर्मतसम्भार गर्ने कार्य सम्पन्न भएका छन्। साथै स्कूल, अस्पताल निर्माण, पुरातात्विक तथा ऐतिहासिक महत्व बोकेका काष्ठमण्डप, गोपिनाथ मन्दिर, जगन्नाथ मन्दिर, ऐतिहासिक बिहार, मठमन्दिर, यट्खाबहालको पुन निर्माण इत्यादि उहाँकै पहल र नेतृत्वमा सम्पन्न भएका छन्।

२०७४ सालको प्रदेश सभाको निर्वाचनमा प्रदेश सभा सदस्यको रुपमा निर्वाचित भए पश्चात काठमाडौं निर्वाचन नं ८ (१) मा गर्नु भएको प्रमुख कार्यहरुको एक संक्षिप्त जानकारी प्रस्तुत गरिएको छ:

प्रमुख कार्यहरु:

सांस्कृतिक संरक्षणका लागि सहयोग प्राप्त संस्थाहरू:

वडाबाट सम्पन्न कार्यहरू: